Os HÁBITOS SAUDABLES DE ALIMENTACIÓN NA INFANCIA TEÑEN UNHA INCIDENCIA POSITIVA NA SAÚDE DURANTE A MADUREZ
- Un estudo científico ha analizado os efectos de combinar unha dieta saudable e exercicio físico na infancia, e os seus resultados mostran que a súa incidencia é positiva durante a idade adulta.
- Seguir unha dieta sa nos primeiros anos de vida pode tamén reducir os niveis de ansiedade na madurez.
Un estudo levado a cabo na Universidade de California Riverside sinala os efectos negativos e a longo prazo dunha alimentación rica en graxa e azucre na infancia, a pesar de que se faga exercicio ou se coma de forma saudable ao ser adultos. Segundo as conclusións recollidas no documento, combinar exercicio físico e unha dieta saudable nos primeiros anos de vida ten como efecto o desenvolvemento dunha maior masa muscular e cerebral, ademais de reducir a ansiedade entre os adultos.
Para chegar a estas conclusións, os expertos someteron a distintos tipos de dieta e de actividade física a grupos de ratos inactividade nas primeiras semanas de vida, comprobando as súas consecuencias no microbioma intestinal ao chegar a adultos.
Os ratos aos que alimentaron durante a súa primeira etapa mediante dietas ricas en graxa e azucre engordaron e, na súa vida adulta, mostraron preferencia polos alimentos pouco saudables. En cambio, os que estiveron correctamente alimentados e mantiveron un ton físico óptimo mostraron uns índices maiores na súa masa cerebral e muscular, e tamén uns mellores resultados ao medir a súa ansiedade.
Os científicos aplicaron as dietas aos ratos inmediatamente despois do destete e continuaron con elas durante tres semanas, ata que alcanzaron a madurez sexual. Tras oito semanas os investigadores analizaron a súa capacidade aeróbica e os niveis de varias hormonas diferentes.
En concreto, estudouse o efecto da bacteria Muribaculum intestinale, implicada no metabolismo dos carbohidratos e a enerxía. Entre a poboación de ratos que seguiran unha dieta pouco saudable os seus niveis reducíronse. En cambio, no grupo aos que se lles alimentou de maneira saudable, combinando a súa dieta con exercicio físico, os niveis desta bacteria aumentaron de maneira notable.
Noutras palabras, traballar a saúde desde os primeiros anos de vida ten consecuencias positivas na idade adulta. Tanto a dieta saudable como a práctica de exercicio físico desde a infancia son factores que promoven a saúde das persoas de maneira acusada.
