EROSKI recibe dous premios “O Chupete” polo seu labor na promoción de hábitos saudables entre os nenos
O pasado mes de xuño EROSKI recibiu dous dos prestixiosos galardóns que cada ano outorga o Festival Internacional de Comunicación Infantil “O Chupete” en recoñecemento á responsabilidade e o valor da comunicación dirixida a menores. Os dous premios que recaeron sobre o grupo son os correspondentes á categoría PLV (Promoción no Lugar de Venda) polo seu Programa Educativo sobre Alimentación e Hábitos Saudables (PEAHS) e á de deseño do packaging polos novos cereais infantís de marca propia.
O programa educativo premiado neste foi desenvolvido pola Fundación EROSKI durante o curso escolar 2012/13 e ampliará a súa extensión no seguinte. O obxectivo desta iniciativa, que conta coa colaboración de distintas institucións públicas e organizacións relacionadas coa saúde, é promover uns hábitos de vida saudables entre nenos de 9 a 12 anos e as súas familias e concienciar sobre a importancia da prevención da obesidade infantil. Para iso puxéronse en marcha distintas actividades especialmente deseñadas para o público infantil, as cales se articularon ao redor da imaxe de Tix & Loy, dous personaxes de animación que encarnan os valores do programa e conectan rapidamente co público obxectivo. Estas actividades comprenden o desenvolvemento de unidades didácticas para a súa explicación en centros escolares e a organización de talleres tanto en colexios como en supermercados e hipermercados EROSKI.
Así mesmo, EROSKI creou este microsite específico de “Enerxía para crecer”, que recolle información e recursos educativos, talles como cómics, vídeos, fichas, menús ou sinxelas receitas para espertar nos nenos o gusto pola cociña, que poden descargarse gratuitamente.
Coa mesma vontade de ensinar aos pequenos a interpretar a etiquetaxe nutricional e dar a coñecer a pirámide nutricional como modelos para orientar os hábitos alimentarios, EROSKI traballou no deseño do packaging dos seus produtos de marca propia, como xa o fixo ao introducir o Semáforo Nutricional fai máis de cinco anos. No caso dos cereais de marca propia cuxo deseño foi premiado nesta ocasión, ademais de trasladar ao consumidor os valores da marca, quíxose facer unha proposta lúdica aos máis pequenos mediante o desenvolvemento de oito ilustracións de animais para oito variedades de produto. Como proposta de valor, cada ilustración despregada na contra é un xogo xeométrico co que os nenos poden montar as figuras dos animais e gozar dunha experiencia coa marca.
