Estudo

Como comemos? Segunda parte

Análise do consumo de alimentos e bebidas desde unha perspectiva nutricional (2022-2024): análise socioeconómica

Resumo

Este estudo analiza como comemos hoxe en España e se a nosa dieta se asemella —ou non— ao que recomendan os expertos en alimentación saudable. A partir de datos oficiais de consumo dos anos 2022 e 2024, o informe observa non só que alimentos mercamos, senón tamén como inflúen factores coma se hai cativos na casa, a idade de quen fai a compra, o tipo de fogar ou a situación económica. O obxectivo é entender mellor os nosos hábitos alimentarios reais e detectar onde estamos a acertar e onde hai marxe de mellora.

¿Cómo comemos?

Análise

Os datos mostran que non todos comemos igual e que as diferenzas non son casuais. En xeral, cando hai nenos no fogar, cando se dispón de menos tempo ou cando a economía aperta, a cesta da compra adoita afastarse das opcións máis saudables: redúcense as froitas, verduras, legumes e peixe, e aumentan os produtos preparados, os doces ou as carnes procesadas. En troques, os fogares formados por persoas adultas ou maiores tenden a manter dietas máis equilibradas, aínda que tamén nestes casos empezan a verse sinais de deterioración. Entre 2022 e 2024 aprécianse pequenas melloras nalgúns grupos, pero o patrón xeral segue afastándose aos poucos da dieta mediterránea, especialmente entre os máis novos.

Cómo determina en la dieta la presencia de menores en el hogar

Resultados, conclusións e recomendacións

A principal conclusión é clara: en ningún grupo de poboación se alcanzan de forma xeneralizada as cantidades recomendadas de alimentos clave como froitas e verduras, legumes, froitos secos ou peixe. Isto non se debe a un único factor, senón á suma de rutinas, prezos, falta de tempo e hábitos apresos dende a infancia. Por iso, o estudo subliña a importancia de actuar dende varias frontes: facilitar que comer san sexa sinxelo e alcanzable, reforzar a educación alimentaria dende idades temperás e crear ambientes —na casa, nas tendas e nas políticas públicas— que axuden a tomar mellores decisións sen que supoña un esforzo excesivo. Comer ben non debería ser unha excepción, senón a opción máis doada no día a día.

Descárgache o estudo completo