Kontsumitzaileen %94ri gero eta gehiago kezkatzen zaie dieta osasungarria egitea, baina %49k bakarrik uste dute beren erosketa osasungarria dela

• Berdura, barazki eta fruta freskoak ez dira sekula falta izaten EROSKI Elikadura Eskolak galdekatu dituen hamar kontsumitzailetik zazpiren erosketa saskian
• %60k aitortu du hain osasungarriak ez diren elikagaiak erosi ohi dituela: aurrekozinatuak, gozokiak, opilak eta snack-ak, besteak beste
• Erosketa-saskia elikagai osasungarriagoekin betetzeko denbora eta dedikazio gehiago behar den ala ez, iritzi berdintsuak daude
• Galdetutako kontsumitzaileen %68k uste dute erosketa osasungarriaren saski bat batez beste %29 garestiagoa dela

Elorrion, 2014ko martxoaren 14an.- Espainiako kontsumitzaileak kezkatu egiten ditu dietak, EROSKI Elikadura Eskolak erosketa osasungarria egiteko ohiturei buruz egin duen azterketa batek adierazten duenez. Azterketa hori onlineko inkesta baten bidez egin zaie Espainiako 1.250 kontsumitzaileri baino gehiagori.
Kontsumitzaileen % 94k onartzen du dieta osasungarri eta orekatua egiteko kezka dutela azken aldian. Hala ere, %49k bakarrik uste dute normalean erosten dituzten produktuak osasungarriak direla beti, eta %51k uste dute batzuetan bakarrik direla osasungarriak. Inkestan parte hartu duten hamar kontsumitzailetatik seik uste dute beren otarreko elikagaiak duela urte batzuetakoak baino osasungarriagoak direla orain.
Freskoak, elikagai osasungarri gustukoenak
Galdetutako pertsonen % 77k adierazi du erosketa osasungarria egiteko garaian maiz erosten dituela sasoiko elikagaiak. Elikagai freskoen portzentajea %83raino igotzen da.
Kontsumitzaileen erosketa saskian falta ez diren elikagai osasungarrien zerrendaren buruan barazki eta ortuari freskoak ageri dira, %79k maiz erosten dituztela adierazi baitute. Horien ondotik frutak datoz erosketa saskien %68tan. %30ek lekaleak ezinbesteko elikagai osasungarri gisa sartzen dituzte beren otarrean, eta %21ek, esneki gaingabetuak eta arrain zuria.
Nutrizioaren ikuspegitik hobetutako elikagaiak ere kontsumitzaileen elikadura osasungarriaren parte dira. Zehazki, ikerketan parte hartu duten %60k adierazi dute zuntz ugariko elikagaiak ez direla falta izaten erosketa-saskian. Inkestan parte hartu duten hamar kontsumitzailetatik
seik aitortu dute beren saskian maiz sartzen dituztela hain osasungarriak ez diren elikagaiak: aurrekozinatuak, gozokiak, opilak eta zizka-mizkak, besteak beste.
Erosketa osasungarriaren saski baten prezioa
Erosketa-saskia elikagai osasungarriagoekin betetzeko denbora eta dedikazio gehiago behar ote den. Inkestan parte hartu dutenen %49k esan dute baietz, eta arrazoi nagusia izan da produktu osasungarriak ez daudela eskura denda bakar batean. Horrez gain, etiketaren irakurketa zehatza eta nutrizioari buruzko ezagutzak eskatzen dituela uste dute. Kontsumitzaileen erdiek, berriz, ez dute denbora gehiago behar eta ez dute dedikazio gehiago eskatzen.
Kontsumitzaileen %68ren iritziz, erosketa osasungarriaren saski bat garestiagoa da, eta batez beste %29 garestiagoa dela uste dute. % 8k soilik uste du merkeagoa dela, eta % 23k uste du berdin kostatzen dela.
‘Orga osasungarria’
EROSKI, Por tu Salud programak elikadura-eredu osasungarria sustatzen du, Dieta Mediterranea fundazioarekin, AED-Nrekin (Dietista eta Nutrizionisten Espainiako Elkartea) eta Danone, Kellogg’s, Nestlé eta
Pascual markekin batera. Hori dela eta, EROSKIk, kontsumitzaileen osasunarekin eta ongizatearekin duen konpromisoaren esparruan, ‘Orga Osasungarria’ ekimenaren beste edizio bat jarri du martxan martxoan, dieta orekatu bat sustatzen duten elikagaien kontsumoa sustatzeko.
Kanpaina honetan, elikadura zaintzen laguntzen duten produktuez osatutako 600 orga zozkatuko dira, marka laguntzaileen eta EROSKI Sannia markaren beraren gatz gutxiko elikagaiak eta koipeak konbinatuz EROSKI Sannia markaren marka freskoekin. Horrez gain, EROSKI marka eta Hipermerkatuetako ohitura osasungarriak sustatzeaz gain, kontsumitzaileen eta hipermerkatuen artean neurri guztiak hartu dira.
Horien artean, nabarmentzekoak dira Nutrizio Semaforoa, landare-olio partzialki hidrogenatuetatik datozen trans koipeak kentzea norberaren markako produktu guztietan edo elikadura-intolerantziak izateko egokiak diren produktu-sorta zabala.