Berdela, EAEko etxeetako % 40k jaten duten arrainen artean dago

• EAEko herritarren %67k ez dakite hilabete honetan hasiko dela berdelaren kanpaina
• EROSKI Elikadura Eskolak galdetuta, hamar kontsumitzailetatik bostek badakite berdelak beste arrain-espezie batzuen aldean elikadura-ezaugarri bereziak dituela
• Berdela kontsumitu ohi dutela diotenen %87k funtsezko faktoretzat jotzen du berdelaren jatorria gertuko portuetan egotea, freskotasunaren berme gisa. Berdelik kontsumitzen ez dutela diotenen hamarretik seik erosketa saskian aldatuko lukete beren aukera, eta beste arrain batzuen aldean erostea aukeratuko lukete, hurbileko lonjetatik badatoz

Elorrion, 2014ko martxoaren 27an.- Hasi berria da Berdelaren Kanpaina Euskal Autonomia Erkidegoan, eta datozen asteetan zabalduko da, baina euskal herritarren % 67k ez du horren berri, EROSKI Elikadura Eskolak Araba, Bizkaia eta Gipuzkoako 750 kontsumitzaileri egindako inkestaren datuek erakusten dutenez.
Ikerketak agerian uzten du arrain freskoa ohiko arrain gisa kontsumitzen duten euskal etxeetako % 40tan dagoela. Alde horretatik, kontsumo-zifrak handiagoak dira Bizkaian eta Gipuzkoan (% 45etik gora), eta Araban, berriz, txikiagoak (% 35etik behera).
Berdela kontsumitu ohi duten EAEko familien % 87k adierazi du faktore garrantzitsutzat jotzen duela arrainaren jatorria hurbileko lonjetan egotea, freskotasunaren berme gisa.

Gaur egun berdelik jaten ez dutela adierazi duten hamarretik seik adierazi dute erosketa-saskiko aukera aldatuko luketela eta berdela hautatuko luketela, beste arrain batzuen ordez, jatorria gertuko portuetan badute.

EROSKIk bikoiztu egingo ditu berdelaren erosketak Euskadin

Berdela arrantzatzeko sasoiarekin batera (urteko lehen arrantza-sasoia), EROSKIk kanpaina bat jarri du abian haren kontsumoa sustatzeko, elikagai osasungarriak sustatzeko freskoak bultzatzeko konpromisoaren ildotik.
Horren erakusgarri da 2014an EAEko kofradiei erosten zaizkien berdelak bikoiztea eta, harrapaketek uzten badute, 40.000 kilo ingurura iristea. Konpromiso horren bidez, EROSKIk bermatu nahi du bere Euskadiko dendetan saltzen den berdelaren jatorri guztia gertuen dituen euskal portuetakoa dela, eta, hala, tokiko produktu freskoen aldeko apustua indartu.
Kanpaina Euskadiko Lehen Sektoreko Elikagaiak Bultzatzeko Hitzarmena delakoaren barruan kokatzen da; hitzarmen hori Eusko Jaurlaritzak eta kooperatibak sinatu zuten iazko abenduan. Hitzarmen horretan, EROSKIk konpromisoa hartzen du bere dendetan Euskal Autonomia Erkidegoko lonjetako artisau-arrantzaren merkaturatzea bultzatzeko, batez ere antxoaren, berdelaren eta hegaluzearen kanpainetan.
Bultzada bat ematen dio nekazaritzako elikagaien garapenari bere aniztasun osoan, eta harreman egonkor bat sortzen du nekazaritzako elikagaien EAEko 450 hornitzailerekin baino gehiagorekin (urtean 400 milioi euro baino gehiago elikagai-erosketetan).

Salmentaren lehen egunek aurreikuspenak gainditu dituzte

“EROSKIk EAEko nekazaritzako elikagaien sektorearen garapen ekonomikoa bultzatzeko eta tokiko ekoizleei laguntzeko duen politikari erantzuten dio kanpainak; kasu honetan, berdelari dagokionez, bultzada nabarmena izango du, eta euskal kofradiei egiten zaizkien erosketen bolumena bikoiztea aurreikusten da”, argitu du Asun Bastidak, EROSKIko Erosketa eta Tokiko Harremanetako zuzendariak. “Izan ere, salmentaren lehen egun hauetan, aurrez finkatu genituen espektatibak gainditu dira”, gaineratu du. Ekimen horren bidez, “kontsumitzaileekin dugun konpromisoan aurrera egiten dugu, hau da, gure dendetan tokiko produktu freskoen eskaintza sustatzea, elikadura osasungarrirako oinarri gisa, berdela bezalako produktu batekin, nutrizio-ezaugarri ezagunak dituena”, amaitu du Bastidak.

EAEko kontsumitzaileen erdiek ez dakite zer-nolako elikadura-ezaugarriak dituzten

Berdela elikagarria da eta osasunerako oso onuragarria, arrain koipetsua baita, omega-3 gantz-azido poliasegabeetan aberatsa, hain garrantzitsuak gaixotasun kardiobaskular, hanturazko eta autoimmuneak prebenitzeko. Gainera, aberatsa da balio biologiko handiko proteinetan eta erraz digeritzen da eta fosforo, magnesio, B12 bitamina eta D bitaminaren iturri bikaina da. Inkestan parte hartu duten pertsonen %48k baino ez dakite hori, eta adierazi dute badakitela berdelak elikadura-ezaugarri bereziak dituela beste arrain-mota batzuekin alderatuta.

Kanpainaren hasiera Garbera hipermerkatuan

Aldi berean, eta Euskadiko kateko supermerkatu eta hipermerkatuetan berdelaren denboraldia hasteko, EROSKIk ekitaldi bat antolatu du Donostiako Garbera hipermerkatuan, berdelaren ezaugarri nutritiboak ezagutarazteko.
Gorka Arzelus Agorregi jatetxeko chefaren eskutik (BIB GOURMENT zigilua du, eta Michelin Sukaldari Gida ospetsuak ematen du), María Ibáñez Truénezek eta María Truéndezek prestatutako Espainiako kontsumitzaileen kontserbazio-gomendioei buruzko gomendioak jaso dituzte.