Asetasuna aztertzearen ondorioak. Eroski Elikadura Eskolaren VI. Topaketa

Azaroaren 4an, Basque Culinary Centerren egin zen EROSKI Elikadura Eskolaren VI. Topaketan, azterketa bat egin zen jakiteko jaten ditugun euskarrien eta mahai-tresnen tamainak eraginik baduen gure asetasun-pertzepzioan. Horretarako, zereal puztuekin, espeziekin eta frutekin egindako otordu bat aurkeztu zitzaien bertaratutakoei, baita landare-edari testurizatuz egindako krema bat ere. Mahai-tresnei eta euskarriei dagokienez, hainbat aukera aurkeztu ziren, hala nola: katilu handia eta koilara txikia, katilu txikia eta koilara handia, katilu handia eta koilara handia eta, azkenik, katilu txikia eta koilara txikia. Kasu guztietan, produktu-kantitate bera mantendu zen.

Azterlanaren emaitzek frogatu zuten mahai-tresnen eta katiluen tamainak eragina duela gure asetasun-pertzepzioan. Katilu eta koilara handiak zirela eta, parte hartzaileak baino lehenago ase ziren katilu eta koilara txikiekin. Jateko egindako esfortzuaren sentsazioari dagokionez, katiluak eta mahai-tresna txikiek tamaina handiagoko aukerek baino esfortzu handiagoaren sentsazioa eragin zuten. Azkenik, esfortzu eta asetasun sentsazioak alderantzizkoak direla ondorioztatu zuten.