Eroski Fundazioaren inkesta batek argira atera du 8-12 urteko haurren erdiek gomendatua baino denbora gehiago pasatzen dutela pantailen aurrean
Agian inkesta honek islatzen duen daturik esanguratsuena 8 eta 12 urte bitarteko haurrek denbora gehiegi mundu digitalean ematen dutela da, eta horrek arriskuak dakartzala, bai haien osasunerako eta harreman mundurako, bai beren adinerako desegokiak diren edukien gainexposiziorako.Ez dira desberdintasun handirik ikusten inkestan parte hartu duten nesken eta mutilen artean pantailen erabilerari dagokionez.
Inkestak islatzen duenez, bizitza erritmoak, garapen digital berriak azkar agertzeak, teknologia berrien eskuragarritasun zabalak eta gurasoen kalitatezko denboraren eskuragarritasun murriztuak eragina izan dezakete gure seme-alaben aisialdia eta harremanak bideratzeko moduan. Horren ondorioz, askotan «normaltzat» jotzen ditugu horrelakoak ez diren egoerak. Dispositibo batzuk «neurrian» erabiltzeak ere gomendatutako eguneroko mugak gainditzen dituen metaketa sor dezake.
